【LINE你睇】應呼籲熱心收留狗狗避風 網友期待暫託「失敗」？

颱風前夕，不少市民忙着掃食物上倉、準備留家安全度過，而各大救援動物院舍的義工們卻顧不上自身安危，忙於安排動物避風。前電台節目主持人麻利連日在社交平台呼籲颱風期間暫託動物，希望愛心人士能接走狗舍中的狗狗，為這些無主人的動物提供遮風擋雨的環境；更有救援動物機構公開求助：「真心問～颱風打到嚟，會唔會有人幫手暫托我班老細幾日？我驚到時屋頂飛走，又搞一次大鑊嘢呀，中大型狗狗。」儘管不少動物救援機構以唐狗和大型狗隻為主，平日尋找安置場所並不容易，但此次呼籲卻一呼百應，短短幾日內，眾多狗場的狗隻就被好心人接走，這次暖心行動，令網友們直言「超有愛，好開心見到大家咁團結地幫手，希望所有浪浪都安全渡過」！

不少暫託家庭還在麻利的社交平台上更新狗狗「到家」的新照片，場面十分溫馨：「跟住原居民行到懷疑人生嘅樣子」、「第一次入屋 仲好舒服咁瞓梳發，仲同原居民一齊瞓添」、「沖哂涼舒舒服服咁staycation幾日！」但也有不少網友期待暫託「失敗」：「香港人真係好多好有愛心嘅人，希望佢地暫到唔捨得，變新居民！」甚至有網友分享六年前「山竹」颱風時的「過來人」失敗經歷，他提到當時暫托了一隻黑色唐狗，最後直接收養了這隻名為Joel的狗狗：「結果，颱風後我冇帶 Joel 返回收容所——算是個「失敗的暫托」。」這段特殊的「失敗暫托」，網友大讚：「這是最好的失敗個案！」更有人表示這樣的內容才是網絡應有的樣子：「我覺得我上網就係應該要睇呢啲，多謝全部既善心人，好人一世平安」、「呢篇睇得好開心，收留狗狗嘅大家都好有愛，睇threads應該要睇呢啲」、「終於係threads睇到有溫度嘅post」！

圖片來源：malisheep、gohighandslow@threads

【LINE你睇】每日精選網絡熱話，源源送上新鮮事，LINE你睇唔驚冇話題。