【商業智慧】黃傑龍回應餐飲業生意：預咗㗎嘛

聖誕假期剛剛過去，市民關心本港餐飲零售等行業市道。關於餐飲業界生意如何，敘福樓集團主席及行政總裁黃傑龍於社交網站回應：「預咗差咪唔覺太差囉，預咗㗎嘛」。

黃傑龍於帖文中提及：「記者訪問餐飲業生意好唔好，我感覺越來越難回答。 今朝睇無線新聞訪問一位昨日90幾萬人回港其中一位旅客，聽完佢嘅回答之後，我感覺充滿智慧茅塞頓開： 記者應該係問佢怕唔怕迫，佢回答：『預咗咪唔怕迫囉，你預咗㗎嘛』」

他表示，近日許多報紙電視訪問餐飲業界，問及「生意好唔好」，而他發現答案兩極，有人說幾好，有人說好差。他指出，其實根本就是預咗差就不覺太差，「預咗㗎嘛」。

他又坦言，幾個月以來整個香港本地消費市場都非常淡靜，認為樓市股市低迷是主因，只要大經濟環境一日無明顯復甦，餐飲零售呢啲附屬性行業嘅市道不可能無端端會好，但做生意一定要調整，「係唔好嘅環境之中都算做得比大環境好啦，咪叫做理想囉。」