前HOTCHA成員張惠雅為情消瘦到曾經只剩下84磅。32歲前HOTCHA成員Regen張惠雅，早前在ViuTV《吃掉前男友》節目中自爆在拍攝前，剛與年輕8年的男朋友分手，為情消瘦到只剩下84磅。昨晚（10月29日）在IG貼上兩張照片，瘦得令網民紛表示擔心，紛紛留言：「呀女你咁樣我好驚㗎……有咩事搵啲朋人傾吓先」、「瘦到咁，無陰公，快食返多少少嘢啦」……
Regen坦言失戀後終日躺於床上不吃不喝了一段時間。10月初Regen曾出post寫道：「自己都知道瘦到好殘，好多人無見我一排見返我直頭唔認得我，係真係唔認得我嗰隻。昏君我失戀後終日躺於床上不吃不喝了一段時間，當時發現自己瘦咗啲咁……」、「有一天發現84磅，我同屋企人都有啲嚇親。但係自己可能開始追求想有肌肉，我都冇停運動，加上開始新店裝修頻撲下，就算食返好多嘢，磅數都徘徊喺84-88lb，其實自己目標想上返起碼90lb，但係好衰個人一瘦，就係面手腳胸屁股瘦晒都唔瘦個下腹，吃多啲嘢最先長肉就係肚腩。」
Regen表示就算食返好多嘢，磅數都徘徊在84至88磅。Regen在節目中直言自己一直是「渣男磁石」。 View this post on Instagram
其實就咁 自己都知道瘦到好殘 好多人無見我一排 見返我直頭唔認得我 係真係唔認得我嗰隻 昏君我失戀後終日躺於床上不吃不喝了一段時間 當時發現自己瘦咗啲咁 加上朋友們都勸喻我做下運動 出下啲安多芬 所以我就開始咗每日20-30分鐘既HIIT 最主要係自己飲食習慣改變曬 我無再食宵夜 唔會再口痕痕 因為WFH 一家人坐埋一齊 我會食埋早餐 午餐 晚飯 反而零食都少食咗 最愛既公仔麵都無點掂過 突然有日上磅 88磅 好開心啦出道以來咪未試過咁瘦 癲咗既我繼續做運動 但係我無特別節食 仲開始做啲阻力運動 想健康啲有肌肉啦 有一天發現 84磅 我同屋企人都有啲嚇親 但係自己可能開始追求想有肌肉 我都無停運動 加上開始新店裝修頻撲下 就算食返好多嘢 磅數都徘徊喺84-88lb 其實自己目標想上返起碼90lb 但係好衰 個人一瘦 就係面手腳胸屁股瘦曬都唔瘦個下腹 吃多啲嘢最先長肉就係肚腩 不過當身邊既人都叫自己唔好再瘦 我就開始停帶氧運動 之前拍 #素顏R奔走 我係喺一間美容醫學中心經常打搞佢地 因為有醫生又有中醫 兩個月前我開始食緊中藥調理返身體 以前即食即痾既我可能情緒影響我七日以上都放唔到舊大石 醫師好好 好有心機幫我拔罐針灸開藥調理氣血 然後醫生 應該見我瘦得個咁可憐都好努力幫助我練啲腹肌 佢地兩個中西合璧 叫我食多啲嘢 不過係健康既嘢 譬如加工食品就少食啊 大部份人都知㗎喇 總知就要吸收多啲健康既蛋白質 而醫師都知道我胸部都瘦得好可憐 都好努力提我食多啲優質蛋白質再配合針灸打救我 點講呢 遇到呢個地方已經唔係當初素顏R奔走咁簡單 喺呢度差不多一年 佢地真係好幫到我 腹肌我會努力練 BTL大家聽得多 Flex呢部機真係好癲 就係頭先直播我做緊嗰部機 醫生都想幫我快啲出條馬甲線 但係尋晚我好內疚 因為我食咗好多好多朱古力 呢啲係唔健康又易肥喺個肚度既垃圾食物 不過間唔時開心下醫生會明既 我估 好了 減肥真係好講意志 而家有一班人好好幫自己 我都要努力增返啲對既肥肉 食得健康啲 @lecielmedical 我會增肥㗎喇 但係都比我人生試下22吋腰啊 🥺 我真係好長氣 有人問我節目做咩唔點化粧 其實我真係好耐唔點搽粉底 真係好易生粒粒 素顏R奔走成功挑戰之後我都想好好保護返佢 又睇慣自己淡妝個樣 咁 自然啲lor 無所謂啦 唔爆瘡好似緊要啲 🐽 今晚記得繼續收睇「吃掉前男友」 🐽呢排啲人問得我最多係點減肥 有啲尷尬 其實失戀就瘦㗎喇你地都試下🤗 🤓
A post shared by RegenC 張惠雅 (@regenc) on Oct 8, 2020 at 12:55am PDT
View this post on Instagram
旅行的意義🗺️ 最近累到聲都出唔到 準備去睡了 晚安 #靜靜雞cover #旅行的意義
A post shared by RegenC 張惠雅 (@regenc) on Oct 29, 2020 at 5:57am PDT
View this post on Instagram
®© 感謝昨天所有幫忙既人 🙇🏻♀️ 《自由流浪》 繼續上路拼命上路一直著迷 萬轉千迴 放不低 跌撞過又痛又癢亦丟下別提 事過多年 哪需計 冒著別人閒話 為求跳我的舞 無悔沒停步 印証我的好 追趕間 處處落後 仍是要追到 准許我流浪 敞開我命途 如果此刻 看化為著 忘掉了苦惱 准許我燃盡 怎麼放下盡量不知道 去吧試吧抱吧愛吧寫著劇情 賣醉之時 更清醒 每段故事對或錯或者尚未明 但最緊要 我高興 為著自由迷路 又何以太急燥 如我沒停步 剎那已很好 追趕間 處處落後 仍是要追到 准許我流浪 敞開我命途 如果此刻 看化為著 忘掉了苦惱 准許我燃盡 怎麼放下盡量不知道 怎麼追 再繼續問 還是覺深奧 方需要流浪 想敲碎問號 誰想假裝 看破現狀 其實怕摔倒 准許我燃盡 這解答在日後終知道 追趕間 處處落後 仍是要追到 始終要流浪 笑我的孤高 可不想 看化現實 忘掉看天高 衝開了迷霧 幾多結局日後終知道
A post shared by RegenC 張惠雅 (@regenc) on Oct 24, 2020 at 8:50pm PDT
撰文：機
留言 3