分批做「三陪」　MIRROR連續4星期深夜開Live抗疫

今晚就有MIRROR陪。

第一晚就有姜濤、Lokman同Stanley。

人氣男團MIRROR近日獲邀擔任抗疫大使，鼓勵大家家居抗疫，早前有網友就笑指佢哋一團12人，如果次次都一齊出活動，唔知會唔會違反「禁聚令」。依家大家唔使估估吓喇，因為由今晚（25日）開始，佢哋會連續4個星期五夜晚11點開Live，輸出正能量陪一班網友抗疫，等多啲粉絲留守家中，仲會暖男上身同大家打氣同送祝福，今晚頭炮就搵嚟人氣成員姜濤、Lokman同Stanley做「三倍」。