193被指與Tania撻着　怒斥對方打手：爆你係邊間公司

男團ERROR成員193向來惹火，近日有網民以「193與Tania IG洩蜜，戀情藏不住！」為題，指193與女團Lolly Talk成員Tania撻着，列出二人洩蜜細節，又上載一張一男一女的背面相，話有網民目擊兩人在商場行街及觀看演唱會。

193昨日（26日）在社交網發文否認，向該網民喊話，揚言要爆大鑊：「麻煩你唔好搞到我，咁矮一睇就知唔係我嚟，你騷擾到我的話，我就爆你係邊間公司打手，順手講埋你哋其他故事出嚟。申利：我係娛樂圈deepweb嚟，只不過人不犯我，我不犯人」其後193又補充指該網民：「可能冇同佢公司某啲高層或其他部門了解最近佢公司有啲咩新project，所以先會唔小心搞錯咗對象，希望佢公司高層會警惕一下佢。」即時引起網民熱議，好奇究竟爆料網民的真實身份。對於193的言論，爆料網民解釋相片來自網上，自己只是轉發及討論，又謂已收到消息相中人並非193，不過就堅持193與Tania關係匪淺，並向對方挑釁說：「本人唔怕193爆料，建議佢快啲爆」。

東網網站 : https://on.cc/東網Facebook專頁 : https://www.facebook.com/onccnews/