何沛珈做牙科保健代言人　註冊護士捱出頭

無綫小花何沛珈（Roxanne）近日夥拍前輩朱咪咪做牙科保健的代言人，入行前是註冊護士的她，開心可以透過醫學常識獲取工作機會，自言最大體驗是跟初相識的人更容易打開話題，交流護齒心得。又指爸爸因為經常牙痛需要護理，現在成為最大得益者，Roxanne也想試戴隱型牙套，希望美化牙齒之餘，笑容更加甜美。

Roxanne曾參演《新聞女王》，但無緣演出《新聞女王2》，她說：「好多粉絲都有問，因為上集排球隊隊長嘅案件無延續，所以今次冇份。」自言很鍾意演戲，早前趁未開工便上了兩個演藝班進修，希望多學習再實踐：「演藝班老師話吸收咗之後，最終都係用自己方法演出嚟。」提到緋聞男友阮浩棕近日亮相無綫綜藝節目《人生美食地圖－東京篇》，Roxanne直言期待：「第一次見到佢咁有活力嘅一面，做綜藝需要好大能量，佢平時好文靜，所以好想睇，支持佢！」

東網網站 : https://on.cc/東網Facebook專頁 : https://www.facebook.com/onccnews/