蔓兒曬跟林海峰合照 憶第1年返工好驚：成日畀佢話

在商台節目《在晴朗的一天出發》任職PA的蔓兒，日前自爆被炒，已加入失業大軍，她在社交平台澄清被炒跟盧覓雪無關，還貼出和盧覓雪及阮子健等飯敘合照，但同場未見林海峰（Jan）。蔓兒今天（3日）在Ig貼出多張和Jan合照，其中一張是她與港鐵站內Jan的廣告合照，她寫道：「蔓兒而家失業，呢個人仲指住我個頭嚟笑，你話佢係咪好衰？！」

之後蔓兒娓娓道來跟Jan過去7年相處點滴：「仲記得七年幾前第一日返工，佢無端端問我有冇男朋友，心諗做乜，跟住佢話如果份工唔啱返就去嫁人，唔使夾硬返。心諗使唔使第一日返工就咁兇新人（仲要咁父權）。」

蔓兒憶述上班第1年覺得好驚：「乜都唔識又做得唔好，成日俾佢話，然後自己落後花園喊。啲同事話好彩佢近年已經收咗火，可能做運動有安多芬與佢，比着係以前，我可能一早俾人炒咗。」

蔓兒表示跟Jan共事7年，已熟習他的脾性：「熟習到有時佢話我都唔會驚、唔會理。上個禮拜仲同佢嘈交（其實係佢話我但我抵唔住頸駁嘴），兩個小學雞互片搞到張部長企喺隔籬好無奈~好彩最後冇事，因為我已經原諒咗佢。」

蔓兒表示這幾個月曾向Jan透露要搵工或轉工，Jan則對她表示外面環境差難找工作，在商台起碼叫穩定：「心諗我都知難搵工，但呢度無發展我冇可能一世幫佢喺度買早餐（佢就想~），以前有諗最多做到佢退休就唔做，估唔到而家我退休，佢都未（有排）。再估唔到嘅係我冇得做，仲要我自己通知佢，搞到好似我炒佢咁。#大個仔啦以後早餐食自己 #我返鄉下耕田種米先啦（大紅人要排舞台劇好忙㗎！搭巴士搭地鐵見啦！）（佢無follow我IG所以可以任講佢壞話）。」

（即時娛樂）