Angelababy巴黎睇騷帶埋阿仔　遺傳顏值識搶鏡

沉寂一時嘅藝人楊穎（Angelababy）雖然影視工作仍然停擺，轉戰Fashion界仍保得住地位，最近佢獲3個國際品牌邀請，出席巴黎時裝周活動。佢巴黎睇騷證身價，原來同時佢亦帶埋同影帝前夫黃曉明所生嘅仔仔「小海綿」同行，尋日（14日）佢就晒出二人於巴黎鐵塔前牽手背影照，被讚係育兒與事業兼顧嘅典範。巴黎時裝周期間，Baby喺場內睇騷，小海綿就喺場外安靜睇雜誌，又幫媽咪拎手機自拍，互動溫馨。

非常注重仔仔隱私保護嘅Baby，獲奢侈品牌創意總監晒出三人合照，見小海綿一時匿二人身後，一時又跑到鏡頭最前嚟個photobomb，氹得品牌創意總監都忍唔住笑小海綿好識搶鏡，網友亦評論：「小海綿活潑開朗」、「繼承媽媽顏值」。

東網網站 : https://on.cc/東網Facebook專頁 : https://www.facebook.com/onccnews/