金像獎︱朱栢康憑《破．地獄》開齋　勇奪「最佳男配角」

《第43屆香港電影金像獎》頒獎禮今晚（27日）舉行。「最佳男配角」由英皇電影《破‧地獄》的朱栢康奪得，首次入圍該獎項便得獎，令他十分激動，拍檔衛詩雅、韋羅莎等都開心到喊了出來，《破》片導演陳茂賢以及岑珈其跟他深情擁抱，場面感人！

朱栢康上台領獎時，情緒已十分激動，要拿出「貓紙」讀感謝詞：「一切榮耀歸於上帝！好感激屋企人， 我媽咪、哥哥朱栢謙，多謝英皇電影、多謝楊生（楊受成），佢畀咗好多機會我，仲有一班電影《破‧地獄》台前幕後嘅團隊，感謝組合「朱凌凌」一班兄弟，同埋因為電影相遇嘅戰友，感激為我歡呼嘅大家。凡事未必一帆風順，但主的恩典夠用，香港電影加油！」

「最佳男配角」朱栢康於台後受訪，問他是否圓夢：「短期係，仲想攞男主角、女主角、女配角…呢個係而家呢個階段嘅成績表，肯定咗自己一直堅持嘅心。（同導演攬埋喊咗好耐？）我哋一齊經歷咗好多，大家好交心，呢幾年友情增長得好快。（今晚慶功會唔會飲醉？）預咗醉，要好好慶祝下、玩下。」

最佳女配角由谷祖琳奪得。她首次入圍該獎項即奪獎，她上台時情緒帶點激動，哽咽表示：「多謝導演，佢好勇敢同好有才華，我打從心底佩服佢，好多謝劉青雲，咁縱容我哋一家，當咗你係爸爸。」她愈說愈激動，再度感謝台前幕後的所有工作人員以及電影投資者，還有她的家人：「多謝我父母、兩個女兒，多謝我叔叔，同埋多謝第一次搵我拍戲嘅陳果導演，搵我第一次拍靈異電影嘅許鞍華。」谷祖琳指得獎後最想去After Party飲番杯，同埋想返台灣探親，未知是否太興奮將「最佳女配角」獎講成「最佳女主角」。

東網網站 : https://on.cc/東網Facebook專頁 : https://www.facebook.com/onccnews/