【美食地淘】穿越明治維新 愜意洋食之旅

日本明治維新設計風格嘅洋食屋成為熱潮，呢家位於茂蘿街二級歷史建築內嘅MAISON MEIJI更將日式和西洋風發揮得極致；餐廳具備開放式日系Coffee Corner、傳統日式榻榻米、復古懷舊嘅卡座，仲有西洋與潮味並重嘅酒吧，每一個角落都睇得出設計嘅心思。一邊店就穿越時空，瞬間令人進入傭懶嘅氛圍，

午餐Menu 均配湯同沙律。雜菜湯濃度同酸度都好啱小妹口味🤭洋食屋當然少不了蛋包飯，呢個Omurice 賣相雖然不及一刀劃開那種蛋包飯吸睛，不過蛋厚得黎炒得嫩滑，入面嘅飯加入茄汁和腸仔炒香，睇得出製作上有下心機。醬汁用上自家製 Wagyu Demi-Glace Sauce ，牛肉味香濃；可惜和牛汁配茄汁飯令有口感變得黏笠，食起黎會有點膩，建議2人開心share。

相比之下，小妹比較鍾意 Wagyu Hamburg Steak with Yuzu Ponzu Sauce，漢堡用上和牛牛肉，用料絕不馬虎。雖然漢堡看似有6、7成熟，但口感好嫩；再配上帶甜嘅柚子醬油同炒香嘅菇，好味道😋！

洋食屋嘅Drink Menu 新加入Hand-Whisk Matcha，每shot都會跟一片Matcha Palmier。小妹就試咗Rokumei ，抹茶味好香，但完全唔苦。蝴蝶酥除抹茶醬夠曬濃，滿足到抹茶控外，並無太大亮點，不過當配合Rokumei後，中和了甜味，而且茶香更濃。

想試蝴蝶酥嘅朋友，不妨可以叫呢個Hand-Whisk Matcha；而叫2 shots 仲可以調教出啱自己嘅口味嘅抹茶，滿足曬抹茶控嘅欲望，仲有得食有得玩🤣。

另外，小妹推介Rose Red俾唔好抹茶嘅朋友。紅茶偏濃，有少少似普洱嘅味道，但玫瑰味超香，唔單止聞到，仲飲到悠悠嘅玫瑰香，算係小妹飲過最香玫瑰味嘅茶。

甜品比較少選擇，只對焙茶卷感興趣。蛋卷鬆軟，焙茶味幾濃郁但不會苦澀，味道唔錯，但唔算特別。

小妹睇相已經好鍾意呢度嘅裝修，黎到氣氛更強烈，感覺好愜意。相比位於九龍城嘅洋食屋，呢度嘅食物質素比較好，特別一讚店員服務唔錯，見我地第一次黎好細心咁講解menu 。雖然價錢有點進取，不過當去趟日本之旅，值得一試。

Maison Meiji​
推介度：❤🖤❤🖤❤🖤❤
💰：$300/person
地址： 灣仔茂羅街7號1樓​

by 淘 (Follow @taltalsfooddating ~）