林奕匡抱埋個仔去活動　台下支持老婆做MC

日前網球活動假澳門舉行，出席藝人有活動大使吳尊及藝人林德信，而歌手林奕匡（Phil）亦現身觀眾席，但並非擔任表演嘉賓，而是變身「帶子洪郎」攜同15個月大的囝囝Darrien捧擔任活動司儀的媽媽李靄璣（Rikko）場。見Phil懷中的Darrien相當乖巧，坐在爸爸大髀上不哭不鬧，還識邊睇波邊打手掌仔，氹得Phil相當開心。

而Rikko在活動完畢後，終可以親親愛兒時，其面上即流露出滿足神情，她表示：「運動令人更感受到生命力、原動力及活力，希望囝囝從小就能夠接觸及慢慢學習到箇中嘅人生道理。見住佢每次現場睇運動比賽都坐定定，今次仲識得跟住大家一齊拍手掌，真係好安慰。生命裏無論面對任何順境逆境，我哋都會繼續努力生活、努力工作，做個對得住自己嘅人，為佢樹立好做個好榜樣。」一家三口寓工作於天倫樂，幸福其實好簡單。

東網網站 : https://on.cc/東網Facebook專頁 : https://www.facebook.com/onccnews/