政Whats噏：不在乎抗體多寡　黃國稱已有保護作用

疫情仍未受控，市民都擔心接種疫苗後身體嘅抗體數會減少。而一批率先打疫苗嘅議員，早前就發現體內嘅抗體數已經大跌，唔知早前有份參與接種第三針測試計劃，做「白老鼠」嘅工會嘅理事長黃國有無呢個問題呢？

黃國喺最早嗰批接種疫苗嘅人士，去年9月再接種第3針，並選擇咗科興，亦都會定期抽血檢測以收集數據。之不過，黃國近日就話自己無睇到抗體指數，因為有醫生曾經同佢講，其實抗體跌都無所謂，因為身體已經產生保護機制。

而呢排黃國同工會成員都頻頻落區派物資，佢就話自己身體幾好，派物資就好似做運動咁，佢亦都會注意個人衞生，甚至做好防護裝備先出動。佢亦都有幾個提醒，就係進入餐廳時唔好隨意除口罩，有需要時可以選擇外賣，從而減低風險喎！

至於其他議員喺咩情況呢？身兼行政會議成員嘅議員葉劉淑儀都已打咗3針，最後一針係溝針，而佢日前去做過體檢，發現體內嘅抗體數已經跌咗4成，會再詢問醫生專業意見。

東網網站 : https://on.cc/東網Facebook專頁 : https://www.facebook.com/onccnews/