究竟呢個AIR DIOR重磅聯名系列幾時開賣？相信大家都好心急想知。（互聯網）現階段官方只發放這兩張由Travis Scott着用系列單品的造型照，其他詳情一直未有公布。（互聯網）高筒版本及低筒版本傳聞分別限量8,500對及4,700對，誇啲講淨係賣畀香港波鞋友都肯定爭崩頭，而家仲要同全球時裝迷一齊爭，可以原價入手機率應該同中六合彩頭獎差唔多。（互聯網）網上近日流傳的碟照，見到聯名系列會有多款服飾及配飾推出，買唔到對鞋，買對襪都好，啱唔啱？ （互聯網）據說Kim Jones因為需要替換關系，所以總共擁有7對fragment design x Air Jordan 1，而且除咗有鞋踭藍色設計的正常版本外，佢連鞋踭黑色設計的非賣版本都一樣有。（互聯網）除非賣版本fragment design x Air Jordan 1外，早前藤原浩來港着住同樣冇得賣的fragment design x Air Jordan 3，Kim Jones都有上腳着用，相信是其好友藤原浩所贈。（互聯網）2017年，Kris Van Assche主理DIOR HOMME年代也曾於社交平台貼過一張DIOR字樣及Nike Swoosh結合的標誌，並附上一句「JUST DO DIOR」Caption，但點解佢3年前就知道會有DIOR x Jordan Brand聯名系列出現？（互聯網）其實當時Kris Van Assche只係轉載擅長二次創作品牌標誌的IG賬戶Hey Reilly的作品而已。但Hey Reilly「神預測」都唔係第一次，之前試過惡搞將FENDI同FILA標誌二合為一，誰知吸引到「老佛爺」Karl Lagerfeld關注，最終真係推出了FENDI x FILA聯名系列。（互聯網）
DIOR MEN主帥Kim Jones鍾愛街頭文化人所共知，除先後拉攏KAWS及空山基等活躍於街頭潮流的殿堂級藝術家合作外，他本人亦不時將一些不作發售的鬼罕波鞋着上腳比大家恨下。去年12月DIOR MEN於邁阿密發布的早秋系列，更將品牌與Jordan Brand合作打造的Air Jordan 1曝光。這對採用皮革打造並將鞋側Swoosh標誌換上DIOR Oblique緹花帆布設計的聯名波鞋，原定今年4月於全球DIOR推出，但因應疫情關係延期到何年何月未有正式公布。
開賣有望？
正當大家等到頸都長之際，網上再有消息傳出指DIOR x Jordan Brand聯名系列即將推出，除了被波鞋迷捧為「神鞋」的聯名Air Jordan 1波鞋外，更會有一系列服飾單品推出；設計會採用呼應鞋款的灰、白及藍色作主調，並將換上「AIR DIOR」字樣的Air Jordan 1「飛翼籃球」標誌變成搶眼圖案配搭到各款單品。相信會易入手過傳聞限量只得萬幾對嘅高筒及低筒Air Jordan 1，大家就即管繼續落足眼力睇實各方消息，捕住呢個話題聯名幾時正式開賣。