【台北自由行】又美味又呃like！3日2夜小旅行 台北美食行程懶人包 (附地圖)
香港百物騰貴，有時寧願花幾百蚊飛轉台北過一個「食慾小周末」洗滌身心，不過去得多，自然食得刁。台灣新生代文青最懂得追求生活品味，今次決定食盡文青「quality of life」的店。以下台北美食行程，由早食到晚，幫你揀埋餐廳，疊埋心水，放空腦袋去食番餐。
撰文： Jumbo、Onki｜圖片來源： Tommy、Scott、相關機構
爆食台北行程
DAY 1：周五晚放工上機，出到台北先食碗晶華冠軍牛肉麵坊牛排麵。
DAY 2：周六朝早到50年代博物館咖啡打卡食早餐，去米販咖啡吃飯糰午餐，下午茶吃盡Matcha One抹茶甜品，晚上可以到華山市場吃抵食壽司set。
DAY 3：周日回港前，搏盡食埋Sarabeth’s早餐，中午吃鳥丈爐端燒，食埋麥笛昆爆汁漢堡才返閨！
DAY 1
【7:00pm】落機即食《CNN》冠軍 低溫烘焙牛排麵
夜晚落機，想食牛肉麵，沒有去林東芳、永康，反而到了晶華冠軍牛肉麵坊。它曾獲《CNN》選為「台北最讚牛肉麵」，價錢有點離地，但親身試過，評價是牛排麵比牛肉麵好吃。