李志剛自爆到李麗蕊香閨飲酒耍樂

藝人李麗蕊網上開Live與粉絲互動，請來「細佬」李志剛任嘉賓。騷前2人互笠高帽，李志剛指阿蕊是他偶像，當年對方放下電台工作遠赴英國求學，返港後形象鮮明，而阿蕊則指1次出騷「離遠」聽到李志剛歌聲，才知道「細佬」原來歌喉不俗。

李志剛更記得年前不時到訪阿蕊香閨耍樂飲酒，但如今彼此不是經常聯絡，阿蕊補充指感情未有生疏。記者趁機追問月前梁思浩網台節目換人，當時對方「投訴」她的工作態度，阿蕊大方回應：「之後我哋都冇聯絡。做嘢啫，唔合拍咪唔做囉。（仲係唔係朋友？）係我嘅角度係，不過感情嘅嘢好難講，可能喺好短嘅時間變得好親切，亦有可能相反變生疏，我冇乜所謂，亦都放低咗嘞。」

東網網站 : https://on.cc/

東網Facebook專頁 : https://www.facebook.com/onccnews/