港姐：落選羅雪妍要食餐勁　源菲然否認網上談性

今日12位港姐進行淘汰賽，選出進身決賽的十強，兩位落選佳麗其後接受訪問，羅雪妍表示事前已準備好落選感言：「我諗住一陣同源菲然去食餐勁，因為我哋都好鍾意食芋泥，希望可以食足幾個禮拜，參選時要減肥食得好清。（被Foul傷心嗎？）冇特別傷心，大家各方面都好出色，我有檢討自己進步唔夠大。（已經冇晒壓力？）依家要諗約邊個食飯。」

而源菲然稱能入十二強已十分開心：「我啱啱先畢業，冇咩經驗，相對其他人進步比自己大。」當被問到早前被爆曾於社交網露骨發文：「have sex on saturday night!!!」，佢即解釋道：「呢個社交網帳戶係十年前朋友幫我開，我自己冇上過去，尋日見到報道都覺得奇怪。呢個Post係2013年出，當時我得13、14歲，逢星期六、日都係留喺屋企幫手做家務。（覺得呢件事影響賽果？） 唔知呢，但覺得好搞笑，啲字句根本唔係我寫。係啲外國朋友貪玩，到時要佢哋請食飯補數。」二人又不約而同表示對娛樂圈有興趣，更向住鏡頭狂Sell自己。

東網網站 : https://on.cc/

東網Facebook專頁 : https://www.facebook.com/onccnews/