陳柏宇谷新歌　邀林家謙柳應廷玩遊戲

歌手陳柏宇(Jason)性格一向幽默風趣，經常作客不同網絡頻道玩遊戲，名副其實「玩得」之人，而月前推出新歌《漂流木》的他更發揮所長，為歌曲設計了一個Black magic(即有隱藏規則的遊戲)，更在不同場合邀請數位藝人玩，並拍攝影片分享上社交平台，寫道：「漂流木Black magic睇吓有冇醒目仔估到」，藉此宣傳新歌。

片段中Jason分別找來林家謙、柳應廷(阿Jer)及Serrini玩，首先向他們講述遊戲前設：「有啲人趺咗落海，有舊漂流木喺度，究竟有咩人捉得實呢?」，然後向他們分別舉例：「陳柏宇捉得實，Tyson Yoshi捉唔實」、「柳應廷捉得實，Lau Ying Ting捉唔實」、「Serrini捉唔實，樹妮妮捉得實」，隨即Jason詢問林家謙：「咁究竟林家謙捉唔捉得實?」引得林家謙一臉蒙地回答：「捉得實」，Serrini聞言即十分聰明地猜出隱藏規則，而阿Jer卻相當搞笑，擺出崩潰扶頭的姿勢，更不解道：「我好聰明喎，冇理由唔識」

影片發布後即刻引來許多網民討論，最搞笑的是引來遊戲中捉唔實漂流木的Tyson Yoshi本尊留言：「雖然唔知玩緊咩，但你依家搞到我好想捉得實舊木」，更有聰明的網民一語道破隱藏規則：「有個木字就捉得實」，粉絲亦紛紛留言讚賞這宣傳手法相當別樹一格，很有新鮮感。

東網網站 : https://on.cc/東網Facebook專頁 : https://www.facebook.com/onccnews/