陳曉華馮盈盈澄清做港姐提名人冇獎金　劉穎鏇自爆素顏面試

前港姐馮盈盈、陳曉華、莊子璇、劉穎鏇、郭柏妍、陳楨怡、邵初、古佩玲與應屆港姐冠軍倪樂琳、亞軍梁嘉莹等，今日（ 5日）在將軍澳電視城出席《2025香港小姐競選》「全球招募 最後召集」記者會。

馮盈盈指有不少Auntie為女兒查詢選美問題，她以過來人身份逐一解答，問到會否做提名人？她說：「冇人搵我做提名人，同埋都唔方便做，因為擔心有利益衝突。」盈盈與曉華齊齊澄清擔任提名人是沒有獎金，曉華笑言如果提名人有獎金，任何人她也會提名。曉華最近與緋聞男友朱敏瀚到大球場看曼聯表演賽，網民大讚Sweet，曉華則說：「嗰晚係一大班志同道合嘅朋友一齊去睇，包括有何廣沛、孔德賢，自己一向冇追星，能夠追曼聯相當開心。」講到當晚有指朱敏瀚的媽媽也在場，但她指沒有見到伯母，問到可擔心被伯母扣印象分？她說：「真係冇見到佢，同埋當晚為咗曼聯，兒女私情都暫時放埋一邊。」

郭柏妍當年選港姐獲屋企人大力支持，她說：「以前自己好摺，成人匿喺屋企，屋企人以為我冇朋友，所以好支持我去試吓選美，入行後覺得自己有進步，冇以前咁摺，媽咪都好開心。」講到近期不時在社交網貼文，若有所指，網民猜測她出Pool有拖拍，她則解釋說：「呢個係美麗的誤會，其實係反思文，因為有時拍劇，覺得自己做得唔好，所以寫啲嘢去抒發吓。」

劉穎鏇當年專程由洛杉磯飛到溫哥華面試，還記得當時沒有化妝，穿上高踭鞋更好像不懂得行路，廣東話又不好，心情相當緊張，也沒想過能夠入圍，但最終更奪得亞軍，而當年在溫哥華為她面試的正是無綫高層樂易玲，認真有眼光。

東網網站 : https://on.cc/東網Facebook專頁 : https://www.facebook.com/onccnews/