鄧萃雯重逢萬綺雯　凍齡27年靚樣冇變過

視后鄧萃雯早前換新造型，留短齊陰兼紮上高辮，被指似足亞視經典劇《我和殭屍有個約會》中由萬綺雯飾演嘅「馬小玲」，巧合地近日兩位女星「合體」，鄧萃雯於社交網上載2人頭貼頭合照，並透露其實早在27年與萬綺雯合作而成為好友：「95年是我出道以來第一次在TVB以外的電視台拍劇，在那陌生環境中第一個認識的朋友就是萬綺雯，她成了我當時的盲公竹，亞視同事稱我倆為大蚊與細蚊，我們那時的關係就像這暱稱一樣親切，友誼就從『我和春天有個約會』開始，感情極像戲中（小蝶和鳳萍）般，還由戲內引伸到戲外有增無減；不爭寵不妒忌還互相扶持，那份簡單又義氣的情誼從青葱歲月一直延續至今，直至這個春天再重聚。」

佢又晒出昔日合照作對比，見2人同樣凍齡，除咗造型之外，外表幾乎零變化，27年一樣絲毫冇走樣，網民即大讚神奇，又指希望佢哋係戲劇上有機會再度合作。

東網網站 : https://on.cc/東網Facebook專頁 : https://www.facebook.com/onccnews/