姚嘉妮宣布離婚後首發文　曼谷度假晒泳池靚相

45歲的姚嘉妮早前驚爆與結婚18年的林祖輝離婚，她後來證實二人已離婚幾年，將共同撫養一對子女，令外界相當震驚，姚嘉妮自離婚後，昨日（28日）首次更新IG，上載多張到泰國度假的靚相，疑回應離婚消息，獲好友楊怡留言「Love you dear」送暖。

姚嘉妮與年長15歲的林祖輝拍拖7年後於2006年結婚，婚後育有大女林煦錡（Kyra）及細仔林璟豪（Kyros），兩公婆更曾合力經營童裝生活，過去曾分享一家四口幸福家庭，離婚消息曝光後令外界相當驚訝，而姚嘉妮亦很快收拾心情，近日與仔女到曼谷度假散心，夜晚陪細仔游夜水，又晒出多張泳池邊影的靚相，狀態大好，留言亦疑回應近日離婚消息：「小小的假期為自己和小朋友一齊叉叉電，打打氣！終於回來了，嚟緊嘅日子，工作已經排得密麻麻！我一定會更加努力去工作，更加努力做好自己嘅本分！多謝大家一直嘅關心同支持，你哋嘅祝福已經轉化為我嘅力量，多謝大家。」