Nike React Element 87　四色開催

於今年初所推出的Epic React Flyknit，憑着由品牌全新研發的泡棉科技Nike React，令到此鞋可以提供絕佳的緩震及能量回饋，基本上有着過的人都讚不絕口，但始終此鞋定位都係一對跑鞋，所以可能有人會嫌佢唔夠潮，如果你都有相同諗法的話，咁今次呢對最新推出的React Element 87就肯定啱你心水。

早於三月巴黎時裝周上率先曝光（嗰對係UNDERCOVER聯名版本）的React Element 87，擁有與Epic React Flyknit類似的不規則鞋底設計，而鞋底所滿布的鑽孔紋路其深度是設計師根據足部壓力分布而定，經過精密計算從而令鞋底提供最舒展的緩震機能。鞋身設計靈感是源自1981年誕生的Nike Internationalist，其腳踭穩定器就最容易看個出兩者關係，而呈半透明的鞋面則由紗線織物打造，為鞋款營造出既科幻又前衞之外觀。UNDERCOVER聯名版本未正式推出之前，呢四色都肯定要搶，祝君好運喇！