Oh Babe, give me a KISS!
接吻心理學 I 💋💋💋
接吻，理論上大部份人一生總會試過。如果你係法國人，可能仲成日試添。
唔知大家有無諗過，點解我哋會有想同鍾意嘅人錫錫嘅衝動呢，呢一種嘅口部運動，令人覺得好high好舒服，又係乜嘢原因呢？
接吻的根源
英國著名動物學家，人類行為學家德斯蒙德·莫里斯認為接吻呢種浪漫行為可以追溯到遠古時期媽媽為嬰兒餵食嘅習慣。
遠古嘅時候，BB仔喺未出牙之前，媽媽會先咀嚼食物，再通過嘴對嘴形式餵食俾BB。當BB喊嘅時候，媽媽亦會用自己嘅嘴唇貼近BB塊臉嚟安撫佢。就係因為咁，接吻呢種種行為就逐漸變成人類表達親密嘅一種方式。👫🏻👩❤️💋👨
學者認為情侶之間接吻嘅快感，其實就係源自媽媽嘴對嘴餵食嘅舒適感。有啲學研究人員甚至提出接吻嘅快感喺嚟自BB細個食母乳，吸吮媽媽乳房而獲得嘅舒適感同安全感添。不過唔理你Buy邊樣都好，接吻一句到尾，都可以視為口腔期嘅一種遺留行為。😘
View this post on Instagram
A post shared by 吾係心理學家 Hi Psychologist! (@hkhipsychologist)