車公廟求籤2026｜鄉議局主席劉業強為香港求 22 籤中籤　莫錦貴為沙田求 83 籤下籤

馬年大年初二（18日），鄉議局主席劉業強按照傳統，在大圍車公廟為香港求籤，求得第22籤中籤，籤文是「刻木之夫不可親，當於善惡上觀人；但凡見利莫忘義，須向仁中慮不仁。」解曰：「凡事用心，家宅小吉，求財半遂，身子平安，占病不妨，婚姻成合」。
沙田鄉事委員會主席莫錦貴為沙田求得第 83 籤，下籤，籤文為「掛帆順水上揚州，半途頗耐浪打頭；實力撐持難寸進，落橈下帆水難流」。解曰：「凡事不吉」。

劉業強：經歷咗黑暴，疫情嗰四年，經濟返緊嚟

求籤後，劉業強見記者「解籤」表示，「刻木之夫不可親」，籤文意思是凡事不可守舊，要創新。他指未來是北都十年建設的黃金期，對香港長遠有很大作用，不可故有用以前的做法，要創新。他再說：「但凡見利莫忘義」，他認為是指：「做事要仔細啲啦，用心」，要「居安思危」，他說：「經歷咗黑暴，疫情嗰四年，經濟活動返緊嚟」。他說：「經濟轉營，金融旺返好多，整體金融、經濟活動返緊嚟」。

他表示，「覺得呢支籤幾好」，相信創科，AI 會帶動新經濟，他重申，做事不能守舊，他指以往香港只靠旅遊、貿易、金融、地產，現在有創科，希望北都發展一日千里，要創新，希望香港經濟增長有 5 至 6%。

再為沙田求下籤　莫錦貴：病完，都要回氣

為沙田求得下籤的莫錦貴說：「我覺得好似人咁，病完，你都要回氣啦，叫我哋小心啲，有事都要慢慢嚟咁啦」，「我諗大家都係諗返舊年發生過乜嘢事，𠵱家好返啦，都唔係個醫生睇好你， 都唔係話所有嘢都好返啦，𠵱家所有嘢都要培元啦」。

陳天恩居士：睇嘢唔能夠睇一面

解籤逾 10 年的陳天恩居士表示，今年籤文比上年更好，首句緣自二十四孝故事當中的「丁蘭刻木」，下句「當於善惡上觀人」，意味「睇嘢唔能夠睇一面」，市民宜每事考慮清楚，「肉眼睇嘅嘢會唔會有錯誤？有時係會有，要拎個大銀出嚟睇兩面。」

陳居士續解讀「但凡見利莫忘義，須向仁中慮不仁」，指不要為少許利益問題而令政府內部意見相左，「變咗好多人無嘢做囉」，市民也不宜「郁吓就話政府唔啱，又係有過份喺度」。

末句「須向仁中慮不仁」，陳居士說，每事都要思考、過濾清楚再講再做，「例如好似𠵱家安全帶咁樣，過罰得太重，好定唔好？政府為市民安全，但佢有無錯？佢有錯，因為位置、程度…變咗會觸怒到（市民），就等如呢枝籤一樣。」經濟上，相信年初難見成效，但下半年會有復甦跡象，政府也應主力發展基建、創造職位，「都要畀時間佢哋。」

寓意沙田原地踏步

至於沙田的 83 籤下籤，陳居士解讀時，形容「開頭非常好」，「點知船去到半路海中心，（船杆）畀啲風打斷咗」，寓意沙田原地踏步，沙田市民需每事小心，如家宅、交通、身體，「呢枝籤整體而言不太理想，搵到錢都唔好亂咁揈，揈咗就無、搵唔返。」

劉業強搖出四支籤　再次求籤得 22 籤

求籤的儀式在早上近八時開始，鄉議局主席劉業強、沙田鄉事委員會主席莫錦貴等鄉紳、沙田民政事務專員余懷誠、沙田警區、醫管局等代表及地區人士來到車公廟，進行「車公誔參拜車公儀式」，主禮嘉賓先進行上香、行一跪三拜「朝拜禮」、獻五供、獻三牲等儀式，莫錦貴跪下宣讀祝文。約 20 分鐘的儀式過後，劉業強、莫錦貴拿起籤筒，分別為香港及沙田求籤。求籤時有一段小插曲，劉業強最初在籤筒搖出四支籤，之後再求一次，得出第 22 籤。

集誌社檔案｜為沙田求得83 籤下籤　2003 年何志平曾為香港求得同一支籤
沙田鄉事委員會主席莫錦貴為沙田求得第 83 籤，下籤，籤文為「掛帆順水上揚州，半途頗耐浪打頭；實力撐持難寸進，落橈下帆水難流」。解曰：「凡事不吉」。這是莫錦貴第二年為沙田求得下籤。翻查資料，在 2003 年，時任民政事務局局長何志平為香港求籤，也是求得第 83 籤，當年香港爆發沙士，7.1 逾 50 萬人上街，時任財政司司長梁錦松、保安局長葉劉淑儀、衞生福利及食物局局局長楊永強相繼下台。

去年為香港求得中籤　為沙田求下籤
劉業強在去年蛇年，為香港求得第 24 籤中求籤，沙田鄉事委員會主席莫錦貴為沙田求得第 82 籤下籤。去年籤文 24 籤，籤文為：「生前不作虧心事，只為貪心惹是非；若得貴人相勉力，莫教枉費用心機」。