網上熱話｜大欖轉車站大樹離奇掛滿Bra 網民：新年要嚟拜下(有片)
大欖隧道轉車站附近一棵大樹近日成為焦點，有網民於社交平台拍片，以「八鄉怪事」分享為題，指自己由大欖隧道轉車站落車後，沿八鄉路步行回家時，途經都會見到路旁有一棵大樹被人掛滿大量胸圍。
樓主於Threads寫道「途中會見到有棵樹會掛滿 bra，有冇人知係咩事？」、「我發現了好一陣子，最近有新bra加上去，忍唔住要上來求threads神解謎」。影片可見，大樹掛滿多件不同顏色款式各異的胸圍，形成獨特的「風景線」，畫面相當奇特。
「唔拋寶牒拋bra」
不少網民留言猜測大樹掛滿內衣的原因，稱希望失主能夠盡快「認領」自己的物品：「可能係附近嘅大媽曬衫，點知大風一吹，吹走晒」，惟樓主卻不認為，「唔似，成棵樹有10幾個，唔會吹到咁平均，何況我呢邊係村屋。」另有網民笑稱「路人見到就隨手執起掛喺樹枝上面，諗住方便失主行過認領」、「可能呢邊啲雀特別咸濕，專門擔走啲bra」、「許願樹，啲人希望自己可以升cup!」、「林村許願樹d frd？唔拋寶牒拋bra」、「八鄉名物Bra招樹」、「新年要嚟拜下！」、「好快變成新打卡景點」、「Bra開富貴」、「種bra得bra」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)