王鎮泉見證今屆港姐成長：好快就會做同事！

無綫娛樂主播王鎮泉（泉泉）近日不乏「擔大旗」機會，日前更獲派主持港姐紅地氈，以及騷後的《welcome Miss Hong Kong》。談到能夠參與這個選美盛事，他即表示：「可以喺翡翠台有個半小時嘅時段，同一班出爐港姐，以及佢哋嘅家人朋友傾偈，當然覺得好難得同開心啦。繼上年台慶後再擔任今次港姐紅地氈司儀，感覺好熟悉兼好開心，唯一就係要對抗三十幾度嘅炎熱天氣。」

由於月前已「隨隊出發」，參與港姐越南外景拍攝工作，難怪泉泉謂：「同佢哋淵源好深，望住佢哋逐漸進步，所以 on show時真係會好替佢哋緊張，真係睇得好肉緊。然後佢哋有啲會特登走埋嚟同我講聲多謝，話感激我之前俾佢嘅意見，真係好窩心。今年好多佳麗都好真性情同好好玩，我同佢哋講好快就會做同事嘞，期待佢哋之後嘅不同嘗試，最好可以同我一齊做吓主持就good fit啦。」

東網網站 : https://on.cc/東網Facebook專頁 : https://www.facebook.com/onccnews/