造星IV丨梁祖堯列7點反擊網民指控 節目外653小時觀眾睇唔到

梁祖堯為ViuTV選秀節目《全民造星IV》擔任導師，但播出以來屢受批評，尤以上屆廿強方方（方芷欣）和39歲四子之母Ling均被網民質疑不值得晉級，指他有偏私之嫌。
梁祖堯昨日在社交平台撰寫千字文為自己平反，列舉七點反擊網民指控，包括：「做乜唔搵人幫手！、「點解應該留低嗰啲你就foul晒？」、「做乜鬼成日做戲呀？選女團定係選劇團？」、「你根本唔識做導師！」、「你知唔知咩叫觀眾緣呀」、「靚就係觀眾緣啦你識唔識㗎？」、「你唔使解釋啦，我見到嘅唔係咁囉！」
梁祖堯指比賽至今已進行14星期，製作組拍攝了共672小時的片段，但播出街只有19小時，「672-19= 仲有653鐘頭嘅嘢你係睇唔到」。經剪接後，觀眾或許有不同觀感，而且內容會有缺失。對於被質疑不找幫手教隊員唱歌，他澄清有安排老師為隊員「補鐘」教唱歌。而戲劇上的訓練，阿祖亦認為是必需，因為今屆比賽的宗旨是希望加強戲劇的訓練；至於靚女就有觀眾緣這一點，阿祖解釋：「靚絕對係觀眾緣嘅條件之一，但唔係唯一。造星唔只選美咁簡單嘅。」他強調淘汰人選前，其實有跟花姐和未來女團經理人阿Wing討論，她們的意見十分重要。