Jer 投資「根」設計主題 Café 進駐啟德，柳闆挑選木材參與設計！

柳柳粉一定知道阿 Jer 有份開投資嘅 café 已進駐啟德，咖啡店已開始試業，名字叫 Root 簡單直接就是「根」的意思，室內設計圍繞着大自然「根」這個主題。

正中央位置一棵大樹幹並非真樹，但用上 800 片樹皮逐塊貼上，完美重塑樹木嘅質感與形態，圍繞大樹嘅透明座椅可見到放置在內嘅樹幹、小植物。

而吧枱及長椅也是由原木打造設計，仲係 Jer 親身去本地嘅木廠揀選木材，十分親力親為，深淺灰色嘅水印水泥牆，從窗戶透進來嘅日光，整個空間注滿天然氣息。

食物方面類別甚為全面，沙律、小食、自選 toast、主菜、意粉及甜品等，有基本咖啡店常見嘅食物之餘，也有別具心思嘅菜式。像小食「脆條三部曲」（$78）分別用上手切紅菜頭條、薯條、番薯條，各有不同軟腍及脆卜卜口感，配埋黑松露醬食更香郁。

主菜特別嚴選優質食材，「辣蒜香草烤雞」（$268/全隻、$168/半隻）用上三黃雞製作肉質較嫩滑多汁，另一選擇為「厚切澳洲 M9 和牛吐司」（$268），澳洲 M9 和牛肉味及甘香兼備。

甜品嘅款式則配合 café 大自然主題，「仙人掌」（$68）其實係朱古力榛子撻，榛子朱古力慕絲、焦糖醬，有香甜堅果味。「苔玉」（$78）球形嘅甜品有點仿植物嘅質感，內為朱古力慕絲及有軟心質感，不過甜品較高。

「巴斯克芋泥芝士蛋糕」（$68）底層為濃郁踏實嘅芋泥，伴着軟滑芝士蛋糕，做成細細個嘅原個 size，獨食吃罷一個很有滿足感。咖啡有基本款式，聽說「午夜抹茶」($75) 係柳闆推薦，z以抹茶及竹碳調成兩個顏色層次，抹茶嘅味道夠突出。

地址：啟德沐泰街 7 號 Parkside At The Henley 地下 4 號店
營業時間：12pm-9pm