【好爸爸！】細女木村光希強勢出道 木村拓哉幾擔心都要撐！
【好爸爸！】木村拓哉與工藤靜香結婚18年，生咗兩個女，今年15歲嘅細女木村光希，今年以「Koki」為藝名，登上時尚雜誌「ELLE JAPON」封面正式出道，轟動日本藝能界！光希深得父母遺傳，有父親嘅高顏值，有母親嘅高佻身材，因此被譽為「彗星」級星二代！罕有提及家人嘅木村，近日就首次喺訪問當中提及對光希出道嘅睇法！處處流露出父親嘅矛盾，既係擔心，又要支持⋯⋯
撰文：Sunday Kiss | 圖片來源：木村光希IG、週刊女性Prime、網上圖片
延伸閱讀：
【室內遊樂場】沙田大型室內遊樂場 一大一小入場最平$45有得玩
【暑假親子好去處】排4粒鐘買限定「金」鎮魂 邊玩陀螺邊學STEM
「我也只能在背後支持她」
45歲嘅木村拓哉稱，出道廿幾年，到而家仲係日劇迷心中嘅永恆經典，就算已經結婚生女，都動搖唔到木村喺藝能界嘅地位。木村拓哉一直以嚟都好保護，同好錫兩個女！為咗栽培女兩個女學好外語同音樂，仲送兩個女去國際學校讀書。所以一直都唔想光希入行。
不過光希魅力真係強都擋唔住，個人IG開咗兩個女，已經突破100萬人Follow！近日木村喺訪問之中，亦都鬆口講到光希出道嘅事！佢話：「她想做的事，我也只能在背後支持她。我絕對不能『這樣做那樣做』地教育，但在她持續努力的這段時間，我會一直關注她。」處處流露出父愛！
節目主持人就話光希好適合呢一行，不過木村說話：「也不是適不適合的問題；只不過身為父母的我們，好像不需要太擔心了。就算是親子的關係，她如果想獨立，我們也只好支持了。」
延伸閱讀：