陳嘉桓帶細佬「擺檔」搵食 被誤會係囝囝

陳嘉桓（Rose）、時裝達人David Tam日前為聖誕市集進行直播，期間Rose弟弟Jaxton非常黐身，不時入鏡化身做小Model，場面溫馨。

Jaxton雖然年紀輕輕，已經懂得幫家姐宣傳，成為市集的生招牌，Rose說：「佢都有搵啲同學仔嚟幫襯，畀個機會佢自己賺啲聖誕禮物錢，依家佢哋冇學返，都要搵地方畀佢哋放電，加上我哋感情好好，成日都會帶佢出街玩，所以搞到人哋誤會係我個仔。」

Rose笑指弟弟與顧客對答如流，大讚對方表現成熟：「但係入行就要問吓媽咪畀唔畀啦，依家姊弟檔出鏡都唔會加價，最緊要佢玩得開心。」

（即時娛樂）