麥玲玲神預測鄭爽婚姻差：她有桃花劫！

開口中？內地女星鄭爽近排一身蟻，因為捲入秘婚+離婚+代孕+棄養風波，轟動程度唔單止粉絲同品牌都話要同佢割席，就連國家廣電總局都點名話佢係劣迹藝人。唔少網民淨係食鄭爽嘅花生食到飽，但唔等於唔食落去，仲搵番玄學家麥玲玲喺月頭時對鄭爽嘅預言：桃花劫！

原來麥玲玲喺內地節目曾經批過鄭爽條命，當時佢話鄭爽「性格有點問題」、「不是每個人都跟她合得來」：「所以桃花真的有點爛，好像是有一點桃花劫。桃花劫有時是因為錢，有時是因為大家的名氣都受到破壞，就是分手的時候撕爛臉的意思。」佢續指鄭爽婚姻差，如果硬來結婚「兩趟、三趟、四趟還是不行」！

話口未完，鄭爽同佢舊愛張恒真係反晒面，之後發生乜事大家都知，唔少網民猛話麥玲玲係「神預測」，而佢喺社交網回應：「神預測則不敢當，見笑了！只是有些人的八字特別容易有所謂的桃花惹禍，或者因桃花而破壞自己的名聲，而鄭爽的生日就是含有這特質，所以必須要特別特別小心處理感情問題。」

東網網站 : https://on.cc/

東網Facebook專頁 : https://www.facebook.com/onccnews/