30歲生日！魏韵芝飛去韓國搵老友提早慶生

藝人魏韵芝（Joyce）今日30歲生日，早前她飛到韓國提早慶祝，她說：「我有個由細玩到大嘅韓國朋友，佢依家喺韓國住，打算搬返嚟香港，點知佢趕唔到我生日返嚟，結果我飛過去同佢慶祝。」Joyce話好開心，因為朋友特意Book咗間食牛嘅餐廳，仲花心意去布置：「佢喺間房放咗啲波呀，又買咗禮物，我一入到間房覺得好靚，好開心佢咁有心思。」

除此之外，Joyce仲同朋友仔去着韓服影靚相，之後又去咗食美食：「餐廳個廚師知我生日，因為韓國傳統生日要飲紫菜湯，所以個廚師熬咗個湯再煮個飯畀我。」問到Joyce有咩生日願望，佢就話好簡單：「屋企人身體健康，開開心心。」

東網網站 : https://on.cc/

東網Facebook專頁 : https://www.facebook.com/onccnews/