七師傅狠批「冤枉新秀訓練營」女生似女優、男生搵闊太

英皇旗下的「冤枉娛樂」最近製作一輯選秀真人騷「冤枉新秀訓練營」，以淘汰比賽形式打造新人王，14位參賽者於為期6個月特訓，霍汶希、張敬軒、容祖兒、泳兒、許靖韻、當奴、折骨Ben等藝人DJ擔任評判或導師。

節目日前請來最近人氣急升的七仙羽師傅為一眾參賽者預測賽果，主持人李靖筠（Gladys）希望師傅亦可以「贈她兩句」，怎料師傅卻說：「因為如果我唔贈你的話，我嘅人生會更加圓滿、更加開心。」雖然如此，不過七師傅亦向Gladys贈言，「你要豐滿啲，啲男人就會好鍾意你；你醜樣，女人就憎你；你靚，啲女人妒忌你。喺男女之間你係踩界，既然係咁，你就揀一條路，你就揀吸引男人算啦。」。

Gladys將一眾參賽者的相片給七師傅過目，七師傅指18歲的Elka似日本AV女優、Racy邪在骨子裡、更說Jonathan經常思考怎樣勾引女人和富婆，勸籲他去跳社交舞，走闊太路線。

當被問到其中一名參賽者是否靚仔時，七師傅表示：「要問女人先得。」旁邊的Gladys即謂：「師傅你自己咪就係女人囉。」七師傅解說：「我已經超越咗呢啲男男女女啲嘢，問其他啲女人先。」隨後看到貌似混血兒的Jeffrey的相片後，又說：「因為我係混血兒，所以我鍾意混血兒。」Gladys問道：「係咩，師傅你混邊度㗎？」七師傅表示：「九龍混香港唔得咩？」Gladys即恍然大悟。七師傅認為Jaime、子然、Jeffrey及Tina是四強大熱。

在節目尾聲時，七師傅說道：「其實最冤枉嘅係我，因為我其實係好愛大家㗎！非常之愛！但頭先我講到佢哋咁差，其實我內心係非常之愛！師傅愛你。」