日本美妝系列介紹（一） Beauness男女都啱用！
相信唔少朋友最近都要轉護膚品同美妝產品，等自己嘅皮膚同心靈都得到更好嘅呵護，不如同小編一齊趁呢時候轉季啦～小編將會搜羅唔同嘅日本美妝品牌同系列，同大家一一介紹，希望大家都搵到適合自己嘅保養品同化妝品！
Beauness係日本美妝老牌Menard其中一個系列，Menard已經超過60年，仍然深受日本美容界人士追捧，唔少用家一試成主顧，用咗就離唔開佢咁話。
A post shared by akari ❁︎ (@ra87) on Mar 17, 2020 at 11:34pm PDT
A post shared by メナード西区菱木フェイシャルサロン (@menard_nishikuhishiki) on Mar 15, 2020 at 2:53am PDT
小編之所以揀Beauness作為第一個介紹，係因為呢個系列正正就超適合依家嘅天氣，轉季皮膚會出現好多問題，而Beauness主打多功效天然溫泉礦物，對抗因肌膚不穩定而產生嘅暗瘡同粗糙肌，集中調理，不論係轉天氣、壓力大、經期前、日曬後，甚至男士剃鬚後都可以使用！再加上急急腳想轉嘅情況下，去唔到日本嘅我地只好搵返香港都有得賣嘅產品，Menard係香港有3間分店，唔洗去日本，唔洗搵代購都可以買得到。
Beauness呢個系列共有３樣產品，分別係最廣為人知嘅「綠水」BEAUNESS 化粧水 A、BEAUNESS 隨身噴霧A同BEAUNESS SPA面膜 S。
Beauness 化粧水A 160ml $550
A post shared by ♥おゆわか♥ (@cocov3v_tadayo) on Mar 16, 2020 at 6:31pm PDT
主打溫泉礦物複合配方，可以重整肌膚及增強抵抗力，預防及改善因不穩定因素而產生嘅肌膚問題。內含海洋礦物精華，具強效補濕成分，滋潤肌膚細胞，而大地植物精華有助穩定肌膚，並可舒緩過敏皮膚。呢款化粧水仲可以用黎當作男士們嘅鬚後水，因為佢具有消炎的作用，可以舒緩剃鬚後嘅不適感，同樣痘肌同敏感肌都可以用，係舒緩肌膚症狀嘅佳品。
不過始終佢只係化粧水，不含油脂，想要加強保濕都要配合其他精華或面霜使用啊！
BEAUNESS 隨身噴霧 S 60ml $290
A post shared by ささき (@i.am.sasaki) on Mar 13, 2020 at 2:56am PDT
蘊含「健康肌膚精華」，無論任何時候、任何天氣，都可以用佢隨時隨地呵護及滋潤肌膚。佢同時可以保濕同控油，簡直係轉季嘅福音。淡淡嘅天然洋甘菊芳香，係潮濕嘅天氣下一噴感覺清爽晒！細細枝帶出街用都好方便。
BEAUNESS SPA面膜 S 5 Sheets $330
A post shared by メナードフェイシャルサロン北区高平店(熊本) (@menard_takahira) on Mar 12, 2020 at 7:04am PDT
蘊含雙倍溫泉礦物健膚成份，包括溫泉礦物精華、海洋礦物精華及大地植物精華，可以快速滲入肌膚深層，改善表皮角質排列同時注入大量精華及水份，改善肌膚水油不平衡、粗糙、痘痘及粉刺，舒緩外界污染引起的不適，小編見到有用家表示轉天氣敏感開始發作初期用佢黎急救，效果真係好好，令肌膚完成鎮定落黎先再進一步使用其他產品護膚，有同樣問題嘅朋友可以試一試。
A post shared by maki* (@maki.f_425) on Feb 24, 2020 at 3:29am PST
有興趣嘅朋友可以去Menard Facebook睇睇:https://www.facebook.com/MENARDHK