黃嘉雯送限量版公仔意外晒豪宅　頂級裝修市值半億

港姐冠軍黃嘉雯（Carmaney）家底非常豐厚，家住紅磡市值超過半億、面積達1,800呎的海景豪宅，去年更豪擲千金，與友人合資購入愛駒「飛馬座」，上月「飛馬座」出戰爆出14倍冷門跑第一，贏得約104萬元頭馬獎金，更贏取150萬自購馬特別獎金，共贏得254萬獎金。財運得意嘅佢，趁農曆新年特別訂製限量版「飛馬座」公仔，送出3個畀幸運粉絲：「初二想同大家玩個 #Giveaway 🐴🌸🎁同大家分享呢份新春嘅喜悅 🫶🏻祝大家馬年大吉，豐衣足食😋」

估唔到黃嘉雯自拍手中公仔，變相晒出半億豪宅。見佢手持「飛馬座」公仔合照，身後擺放大棵桃花樹，屋內裝修盡顯奢華，全屋採用雲石地磚，電視亦採用入牆一式，空間闊落。佢為公仔影相時，又晒出連擺設茶几都係雲石製，同時亦見另一棵桃花放枱面，確係富貴。

東網網站 : https://on.cc/東網Facebook專頁 : https://www.facebook.com/onccnews/