蕭淑慎與細15歲老公冇性生活多年：叫他花錢解決

台灣女星蕭淑慎曾於2019年患上罕見的「十二指腸癌」，慶幸抗癌成功後，佢同細15歲老公梁軒安亦時不時晒恩愛，近日蕭淑慎現身節目時，就大方剖析呢段近8年姐弟戀嘅保鮮大法，言談間更爆出驚人婚姻觀。

梁軒安近年曾遭2名女士指控其性侵，但蕭淑慎仍維持婚姻，佢直言男人「偷食」對佢而言根本唔算咩，更自爆夫妻二人早已冇性生活：「早就不想給他碰。」她強調雙方並非「開放式關係」，自己觀念比較保守，只是二人「三觀不合」，思想差異先係磨損感情主因。

對於老公嘅生理需求，蕭淑慎大方着對方自己解決：「你最好是去花錢就算了。」不過身為公眾人物，佢劃出底線，要求老公若要花錢解決，絕對唔可以被傳媒影到，否則會令佢感到顏面盡失。言論坦蕩又心酸，隨即引起網民熱議，驚嘆其婚姻維繫方式極具個人風格，常人難以學習得到。

東網網站 : https://on.cc/東網Facebook專頁 : https://www.facebook.com/onccnews/