晒美腿睇「腳相」！黃嘉雯天生內八字要靠後天改善轉運

由堪輿學家蘇民峰拍住4位J2ers，包括倪嘉雯（Carmen）、陳若思（Amber）、陳國麟（Doniven）以及新加盟的黃嘉雯（Carmaney）主持的《呢鋪開乜︰開壇》，專門解答風水命理疑難，明晚（15日）師傅會教觀眾睇「腳相」。

三位女主持有備而來，名正言順穿上熱褲、露趾鞋曬美腿，又在蘇師傅面前展示步姿點評！Carmen雖然被指有點外八字，但腳形一流，腳腕夠幼、小腿稍微有肉，完全具備做闊太的條件。香港小姐出身的Carmaney行得有型有格，但被發現其中一隻腳有內八字，不過蘇師傅話可以後天改善兼轉運。

3位靚女知道今集美腿會上鏡後，事前做足準備，Carmen話拍攝前，如常每日搽cream，她說︰「不過每次都會搽埋腳板、腳掌。一年四季都會搽。同埋我淨係會着波鞋，今集都係應師傅要求着露趾鞋。」她話避免着平底同高踭鞋，不只易攰又會暴露空氣中，令雙腳乾燥及甩皮，特別是高踭鞋，擔心會搞到小腿發達，影響腳形。

對於節目中被讚靚腳兼有闊太相，Carmen話未想過嫁入豪門︰「對愛情有啲睇化。都單身咗4年半近5年，暫時冇對象，都享受單身生活，覺得幾自在。平時鍾意留喺屋企做自己嘢，得閒出去見下朋友。將來當然都想組織家庭，不過目前冇渴求識男仔住。」

Amber話當日知道雙腳要出鏡，返家即刻做檢查，她說︰「最緊要睇吓有冇啲新（腳）毛生出嚟未剃。平時每兩三日就會做一次磨砂，每日沖完涼都會搽lotion，同埋因為天生腳型唔靚，所以我瞓覺之前都會着住睡眠襪瞓覺，等第二日小腿唔好咁水腫。」她笑言試過開頭着，睡到半夜忍不住除了下來，而且腳板會有少少麻痹感覺，但第二朝瞓醒，小腿確實瘦了一圈。

Carmaney話出鏡前沒有特別護理，只要盡量不撞瘀及剃（腳）毛︰「不過做咗laser之後冇呢個問題。同埋唔好曬咁黑，太黑冇咁好睇。」她透露本身有少許入字腳，教練話做gym可以糾正，她又爆小學本來是田徑隊成員，因為聽大哥講跑得多會令腳粗，所以第二年便退隊。

東網網站 : https://on.cc/東網Facebook專頁 : https://www.facebook.com/onccnews/