練美娟好杯中物　醉到趴地撞崩2隻門牙

藝人練美娟（娟姐）與余迪偉今日（10日）出席由二人主持的ViuTV全新節目《神之調酒師》記者招待會，分享拍攝感受，其中16位參賽者及3位節目評審亦有一同出席。

身為主持兼評審的迪偉及娟姐，透露最後6強會在郵輪上進行比賽，迪偉説：「去越南5、6日，喺郵輪比廠景Relax好多。」二人皆喜歡杯中物，迪偉笑指因今次有酒商贊助，所以娟姐可放心狂飲，娟姐即表示論酒膽她比迪偉較優勝。談到人生中最深刻的醉酒經歷，她表示曾因此而撞崩牙：「醉到趴咗落地，第二朝瞓醒先發現撞崩咗2隻門牙，依家每2年都要去補一補。」至於迪偉則更誇張，試過在家飲醉酒而當朋友面前「露械」，不過他笑指節目組今次找他主持主要目的是睇住娟姐。

另問到剛完成一連5場Talk show的他會否考慮開Part 2 ?他表示要跟拍檔商討：「你知佢哋做創作嘅人好鍾意新嘢，做過嘅未必再想做，可能會度過啲新嘢。」又指或會應海外粉絲要求，到外地搞巡迴騷。

東網網站 : https://on.cc/東網Facebook專頁 : https://www.facebook.com/onccnews/