七師傅6位數助張致恆　拒申綜援藉口多︰好麻煩

堪輿學家七師傅（七仙羽），近日接受陳志雲主持的電台節目訪問時，披露曾向張致恒（Steven）伸出援手，提供現金援助。今日七師傅出席活動時，被記者追問詳情，原來除了現金資助，亦有建議張致恒到指定藥房買貨品時記數，每月由七師傅找數，而師傅透露前後已花了大約6位數。雖然本著善心助人，但亦開始感到煩惱，不知點算好。

七帥傅因為一次工作，認識了張致恒，早前亦有帶他出去做善事派物資予街坊。而自從爆出一直有花錢幫張致恒後，七師傅坦言身邊朋友都紛紛叫他收手，勿縱容對方，但她有見對方勤力工作，由早做晚，故想提供協助。問到對方可有提出要求現金應急？七師傅表示幾百、幾千到萬多元都有。

另外，七師傅原來都有向他提供藥房購物包底服務，事源有時聽到張致恒表示冇錢交租，小朋友冇奶粉食，又因為小朋友要食指定某種奶粉，師傅冇時間處理，於是提議他到指定的一間藥房拎，其他日常用品都可以去拎，每月由師傅埋單。記者問到每月為對方找數的金額時，師傅怕說出來對方嬲，只透露︰「總數有6位數字。」

不過長貧難顧，七師傅透露有勸張致恒申請綜援或公屋，但就發現對方諸多藉口：「佢話一個人唔係攞到好多錢，又話申請公屋要等好耐，如果佢申請到公屋，經濟壓力會冇咁大。」最後七師傅都表示身邊好多人叫她別再伸出援手，她亦坦言︰「我都覺得好煩，唔知點樣算。」