網球運動員黃澤林首戰全運　「一路努力練習到呢一步」

第十五屆全國運動會（全運會）將於今個星期日（11月9日）揭幕，ViuTV節目《全運港將》請來在2025年美國網球公開賽（美網）男單比賽，從外圍賽連闖三關，成為首位躋身大滿貫男單賽事32強的中國香港網球運動員黃澤林（Coleman）接受訪問。

在香港土生土長的Coleman，5歲時因為代替姐姐上網球課而首次接觸網球，一打便從此愛上網球，Coleman笑言：「意外嘅開始，搵到我最鍾意嘅運動，所以我都幾開心。」在眾多運動中唯獨愛上網球，皆因Coleman認為網球很刺激：「唔單止係球技，心理質素又要夠勁，又要承受得住壓力。其實網球比賽真係唔係咁簡單，所以呢樣嘢我覺得好有挑戰性。」要成為職業網球員，Coleman認為最重要有家人的支持：「一定要信你嘅細路仔係可以做到世界級，好多人都會有質疑，所以屋企人嘅支持對我嚟講係好緊要」。

至於最難忘的賽事，Coleman直言是美網躋身32強：「係一路破紀錄，一路創歷史，其實呢啲係我每日練習得返嚟嘅，唔係練咗一、兩日就可以做到，所以呢樣嘢我好開心，同時都幾proud of自己一路Keep住努力練習到呢一步。」不過Coleman坦言不會滿足於此：「我一直都想做到一個大滿貫嘅冠軍。」而Coleman和教練的目標就是一路進步：「希望可以meet到世界最頂尖球員嘅level，而家我愈嚟愈進步，但係我要去到佢哋嘅level仲有啲距離，所以我覺得啱啱美網呢一個比賽係令到我知道自己同佢哋嘅距離有幾近，可以贏到佢哋」。