Lucy媽高呼「我愛方東昇」 自爆冇酬金出演《好睡好起》

Lucy媽分享與老公及囡囡跟方東昇等人拍攝時合照。

由方東昇領軍主持的綜藝節目《尋人記》一直以來大受觀眾歡迎，贏盡口碑，方東昇更憑《尋人記2》於《萬千星輝頒獎典禮2022》成為首位新聞部員工奪得「最佳男主持」。

最近，新聞部又有新節目將於下周四（25日）推出，今次不是尋人，是尋周公，節目名為《好睡好起》，宣傳片當中，出現曾被封「香港最年輕KOL」李璨琛（Sam）大女Lucy。

Lucy瞓住拍節目。

Sam老婆梁志瑩（Sohpia）就在社交網貼上與老公及囡囡，跟方東昇、黃曉瑩等人在家的合照，留言自爆：「仲記得當時TVB黃曉瑩問我可唔可以幫幫手拍呢個節目，其實我唔係好想so佢因為冇錢，之後唔知點樣佢話原來佢阿頭係方東昇，我二話不說即刻應承佢，嘻嘻 #我愛方東昇 #如果拍續集我都可以幫你 #因為我細女都有嚴重嘅睡眠問題 #好睡好起 #多謝邀請」。