黃聖依Cutie現身馬拉松　孟美岐講首個內娛破千萬直拍搶鏡

內地山東威海今日（27手日）舉行明星馬拉松，眾明星如內地女星黃聖依、孟美岐、趙雅芝、劉畊宏等現身，眾人狀態十足、元氣滿滿，令現場星光熠熠。當中黃聖依於賽場上不僅展現超凡活力，更用人生馬拉松比喻詮釋生活真諦，令唔少網友都讚佢智慧與美貌並重，不過佢就被奪首個內娛破千萬直拍嘅孟美岐搶晒鏡，連熱搜都輸埋畀對方。

近日有網友晒出孟美岐於2018年喺選秀節目《創造101》公演舞台《撐腰》嘅直拍，認為係內娛首個破千萬嘅直拍片，該舞台孟美岐憑藉舞蹈、表情管理及舞台感染力，於播出後迅速上位，24小時內播放量即破千萬。今日有粉絲一邊跟住佢跑，一邊問佢對首個內娛千萬直拍有咩想講，佢回應指：「謝謝大家支持我，可以讓我有千萬直拍。」

於《創》第一名出道、成為火箭少女成員嘅孟美岐，於2021年被揭「知三當三」、拍「性暗示」露骨照等，介入內地音樂人陳令韜與其正印女友之間，及後陳令韜自殺不遂，孟美岐亦被官媒狠批「三德欠缺」，落入「劣迹藝人」行列要停工，近年雖復出，但人氣已大不如前。

東網網站 : https://on.cc/東網Facebook專頁 : https://www.facebook.com/onccnews/