港男送聖誕禮物卻激嬲女朋友 全因用錯方法購買？ 網友籲不要放出來害人 港男反應更爆笑
臨近聖誕，唔知各位買左聖誕禮物畀另一半未呢？女朋友有禮物收，就算唔係心頭好，起碼都不至於發嬲，可惜收禮物都嬲的這種奇怪事就發生在一位港男網友身上。是不是份禮物太便宜太Cheap呢？似乎就沒有關係了，激嬲女友的原因反而是港男獲得這份禮物的方法。
撰文：Yin｜圖片來源：香港討論區截圖、TVB劇集《愛回家之開心速遞》劇照、電影《春嬌與志明》劇照、八達通官網截圖
有位港男日前在香港討論區發帖，披露自己送禮物反而被女朋友嬲咗的經歷。相信這位仍是大學生的港男，日前趁同為大學生的女朋友上堂期間，自己去買聖誕禮物。他之後便返自己屋企放低份禮物，然後去接女朋友落堂和食飯。
女朋友打開港男銀包 釀今次悲劇
女朋友知道港男去了買聖誕禮物後，起初還滿心歡喜。但當食完飯準備買單之際，不幸的事情便發生了。女朋友拿起港男的銀包來看，還發現了買聖誕禮物的收據。
雖然只係學生，但港男出手也不孤寒，買給女朋友的聖誕禮物便價值超過$1,000。不過，女朋友看禮物收據時，卻放錯了重點，把重點放在港男是使用八達通購買，而他是用八達通領取消費券。
用消費券買禮物 竟惹女朋友不滿
有用八達通領消費券的朋友都會知道，用八達通是會被強制分成3期去領取消費券，而最後一期的$1,000消費券是上星期才發放。港男的這份聖誕禮物正正是用了$1,000消費券，再補些少錢去購買。
想不到，使用消費券買禮物的做法，竟然惹來女朋友不滿，質疑港男「點解買聖誕禮物畀佢，都唔係用自己錢，唔通佢唔值我真金白銀畀錢咩？」
港男遭女朋友下通牒 促再買一份禮物
女朋友還對港男下通牒，假如他不另買禮物給她，她會連現在這份用消費券買的禮物都不收。女朋友還拒絕跟港男去睇戲，好讓他有時間去重新買過一份聖誕禮物給她。
情況令港男大惑不解，心想難道消費券不是錢嗎？有一份超過$1,000的禮物，還想怎樣？
消費券買嘢有別於真金白銀 網友「黑人問號」
對於女朋友認為消費券有別於真金白銀，一眾網友都感到大惑不解。有網友表示：「第日中咗六合彩，叫佢有本事都唔收你用嗰啲錢買嘅嘢，因為唔係你自己搵嚟嘅。」又有人話，如果用消費券買更貴的禮物，不知女朋友又會唔會嬲。
網友建議帶女朋友睇醫生 港男笑稱改身體檢查做禮物
網友又認為，女朋友有公主病，建議港男帶她睇醫生；港男樓主則笑稱，會把女朋友的聖誕禮物改為身體檢查。也有人批評港男過份遷就女朋友，「做壞市場」。
港男樓主宣稱準備飛咗女朋友 網友急勸阻
想不到，港男樓主竟然回應：「反正唔會再買（新一份禮物），佢唔收咪唔收。」更說：「過完聖誕打算飛咗佢，希望佢一世單身。」這個出乎意料的答案，引來其他網友大驚，急急呼籲港男樓主「回心轉意」。
留言 5