阿嬌前夫賴弘國晒老婆產後照 極速收身借勢宣傳老公診所

受封「醫界王陽明」的賴弘國自從19年同「阿嬌」鍾欣桐離婚後，去年2月同第三任太太Alice奉子承婚，同年8月誕下「小賴寶」，升呢做人父的賴弘國不時在社交平台分享湊仔生活，一家三口幸福美滿。

過去賴弘國都甚少公開Alice靚樣，PO合照都會用貼紙遮住老婆的樣子，令網民都好奇Alice身分。到近日賴弘國終於罕有貼出同Alice的單獨合照，見到Alice非常省鏡之餘，產後不足一年的她身材fit到爆，著住白色緊身T恤加黑色短裙，大晒纖腰，搞到賴弘國都留言：「拾獲辣媽一枚」。Alice就歸功老公自爆老公幫忙做產後保養：「要鳳凰電波、音波、玻尿酸、肉毒、雷射，專業一次搞定，happy！」做生招牌幫老公賣廣告！網友都羨慕她可以享有免費醫美服務。

其實賴弘國過去有曾搵過前妻阿嬌做生招牌，更現身為他診所剪綵，阿嬌亦介紹好多朋友去幫襯。除了醫美療程，賴弘國特別擅長「陰道緊實」美容手術，過去有指他診所生意不俗，又常到內地看診，估計每月可淨賺300萬台幣（77萬港元）。