球會與保錡反面有「劇本」　直認谷流量被鬧爆刪文

男團ERROR成員吳保錡日前突被踢出「全民足球體育會」，雙方態度強硬，各執一詞互斥對方不是，保錡昨日（31日）出席活動受訪，更明言早已打算退役，未料事件今再180度大反轉，球會凌晨在社交平台留言，解釋為慶祝五周年而學曼聯搞笑谷流量，負面行銷被網民鬧爆。

全民足球體育會慶祝成立五周年，今日凌晨突然在社交平台公布保錡將會續留球會：「其實我地球會都係搞吓笑，學下曼聯咁玩吓流量，估唔到大家都咁踴躍，保錡會繼續喺度踢波，多謝大家嘅影響力，資訊同情緒都收到哂，意想不到咁多人留意！多謝大家關注，劇本是天定的，戲是大家一齊演的！」不過驚人反轉未達預期效果，惹網民留言鬧爆「你哋咁玩只會令人更反感」、「講真唔好笑」等。

球會今日下午刪除相關帖文，再度隔空回應事件：「每個人嘅生命入面，大家都喺等緊一個『轉角位』，呢個未必係咩驚天動地嘅大事，可能只係一份冒險嘅決定，或者係一次失敗後嘅伸手扶持。咁樣就一世的話，寧願用一個搞笑嘅方法去處理！情緒同資訊都收到哂！希望呢個就係平衡點，多謝大家繼續支持全民足球體育會。」