黃翠如現身順德　與粉絲近距離接觸送祝福

農曆新年將至，花市成為感受節日氣氛的必去之處，而藝人黃翠如昨日（10日）便現身順德的大良花市，為無綫售賣港劇周邊的攤位撐場，並與粉絲近距離接觸，送上新年祝福。不少網民在社交網分享影片，只見翠如剛到花市門口，便吸引大批途人駐足，逐漸水洩不通，甚至需要保安和工作人員在前面開路才順利走到攤位。被圍到實一實的她，依然無損靚靚心情，不停揮手和粉絲打招呼，更大派心心，相當識做。

第一次到順德花市的翠如，自爆此行有私心：「其實我尋日中午好唔開心，因為我唔記得咗買年花，但係諗起我今日要嚟喎……」隨即便詢問在場粉絲年花攤位在哪裏，然後笑笑口謂：「我一陣要去睇吓先。」她又拿起攤位上的TVB周邊利是封派給粉絲，預告福利陸續有嚟：「大家唔使擔心，有料嘅利是亦準備好啦。」惹來尖叫聲不絕。

東網網站 : https://on.cc/東網Facebook專頁 : https://www.facebook.com/onccnews/