奇情谷｜吳若希自爆曾獲邀玩3人運動︰自此疏遠對方

吳若希（Jinny）、火火及曾展望主持的TVB Plus節目《奇情谷》，昨晚（27日）一集的主題是「身邊總有一個戀愛腦」。Jinny自爆10多年前曾獲一位經常四出獵艷的女友人邀玩「3人運動」，她說︰「咁刺激搞唔掂，自此之後同呢嗰女仔疏遠咗。個女仔靚嘅，有日我一位男仔老朋友竟然同我講，佢同個女仔拍緊拖。」Jinny表示當時有點愕然，因為男友人知道女方的過往，包括邀玩「3人運動」的舊事。

她續說︰「呢個女仔情史非常多，曾經搞過人哋老公，同好多男士有一手，但我作為男仔老best，佢既然選擇同個女仔一齊，我都要祝福佢，希望佢哋真愛，嗰女仔會改。有一日，另一位男友人忽然問我︰『喂，你老best係咪同個女仔散咗喇。』原來佢見到個女仔飲住酒坐另一個男人大髀，呢件事我選擇唔同老best講。」兩人分手後，Jinny才舊事重提，她回憶︰「老best反應冷淡，佢竟然同我講『唔係呀，我信佢㗎』，佢嘅理由係個女仔有將其他男人嘅短訊畀佢睇。」

（即時娛樂）