為星味仔仔溫馨慶生　李泳漢瘦幾十磅為媽咪推Job

藝人李泳漢與太太Conny婚後生活美滿，先後誕下1子2女，其中大仔Alfie被指遺傳爸爸童星氣質，網民盛讚是最可愛星二仔。日前Alfie 9歲生日，泳漢一早訂定大蛋糕在家為兒子慶生，而兩位千金Charlotte和Aurora亦愈大愈靚女。只見相中的泳漢比之前消瘦不少，他表示沒有刻意減肥，可能近年食得比較清淡，不知不覺瘦了數十磅。其實一直有不少人主動找他合作，因要照顧屋企人和母親施明，情願推掉工作。他笑言：「我其實都好鍾意拍嘢，依家小朋友開始大，希望可以多啲自由空間，拍啲自己想拍嘅嘢。」

另外，他趁住父親節特別帶同Aflie與Charlotte到主題樂園開心玩了一天，Charlotte更化身小公主，全程甫士多多，相當上鏡。他形容一對子女感情要好，Aflie很愛錫和照顧妹妹，妹妹又好依賴和尊重哥哥，他看在眼內覺得好安慰。並有感而發：「小朋友雖然仲細，但我已經成日灌輸佢哋，呢個世界無嘢緊要得過屋企人，因為有今生冇來世，一家人一定要團結，其他人先會尊重你。」

東網網站 : https://on.cc/東網Facebook專頁 : https://www.facebook.com/onccnews/