消失的味道｜傳統手推點心車茶樓 谷德昭未見過燒腩卷

ViuTV全新節目《消失的味道》今晚（14日）首播，逢星期一至五晚上10時30分播放。秉承《茶餐廳》精神，谷德昭深入香港飲食文化，尋找即將消失的「香港味道」，帶大家來一場味覺回憶之旅。

今晚（14日）播出第一集，以飲茶為主題。香港人今時今日飲茶大多數是掃QR Code落單，有點心紙的已經算是比較懷舊，但原來香港仍然有一間推點心車叫賣的舊式茶樓。這裏不單止有齊舊時所見的5款點心車，就連很多新式酒樓已不見蹤影的大包、鵪鶉蛋燒賣，以及連谷德昭也自稱未見過的燒腩卷，仍然有售。

據點心師傅所講：「一個大包整出嚟起碼有成斤重，每日都係賣出10零個，因為好蝦人食，一個大包要成3、4個人先食得晒，嚟飲茶嗰啲都係一盅兩件，蒸一個大包要成20分鐘，啲客人都唔等啦。」燒腩卷就每逢冬天秋風起時，便要讓位給臘腸卷，因為點心車位置不多，不能樣樣也做，不過無論是哪一款，只要是蒸籠出的點心，蒸籠也是靈魂之一。

今年94歲的呂明（明叔）70年代開設蒸籠廠，回想當年酒樓和飲食業興旺，蒸籠需求量多，明叔笑言：「嗰陣時啲生意唔憂做，多啲嚟密啲手，少啲嚟啱啱夠！」

對五金同樣熟悉的明叔，更加研發出鋼竹混合蒸籠，將舊式蒸籠取長補短，把易爛部位用鋼材取代，令蒸籠更耐用，一度在香港的市場佔有率達到8成，就連英國、美國、加拿大也有用明叔的蒸籠。高峰時期，明叔一日可以完成2、300個蒸籠，隨著香港製造業式微，明叔現在每日只會做3、40個，做蒸籠已當成生活寄托。

明叔更明言：「冇㗎喇！香港係我整㗎咋，我走咗都冇人做㗎喇，我啲仔都唔會做㗎喇，都搵唔到食嘅，最現實㗎喇，只有做買賣㗎咋！」

（即時娛樂）