黃紫盈日本遇牛隻「罷工」　因呢個原因嗌幸運

經常港日兩邊飛的前新聞主播黃紫盈，最近去到京都欣賞當地三大祭之一的「葵祭」，卻遇上牛隻「罷工」，但她竟然大呼好運，原來她當日朝早有工作在身，加上交通管制，較原定時間遲了到達現場，以為會睇唔成，點知遇遇上罷工牛，令她可以趕得切睇巡游。紫盈表示「葵祭」已有千年歷史，重頭戲之一是由約500人組成的遊行，遊行隊伍會穿上平安時代的貴族服裝，既有牛車，又有騎在馬背上的使者領軍等，每年吸引不少遊客和當地人圍觀，之前紫盈已欣賞過另外兩大京都祭，加上今次的「葵祭」，對她來說，完成京都三大祭可謂達成一個里程碑。

另外，提到日本米價持續上升，紫盈稱以前日本很多餐廳都會提供免費加大飯量的服務，最近改成收費，她又指除了米價上升，每月都有各類食材、生活用品、公共交通等加價的消息，她說：「我喺日本嘅公司係租用辦公室，今年辦公室都加咗租，真係深深體會到各地嘅餐飲、住宿和交通費都持續上升，慶幸我曾經喺唔同城市生活，累積咗啲經驗同埋有用資訊，多動動腦筋，都有啲方法去控制營運成本。」

東網網站 : https://on.cc/東網Facebook專頁 : https://www.facebook.com/onccnews/