日式漢堡店推「1分鐘跳繩180次」贏漢堡包 | 平民百姓挑戰有幾難?

最近有日式漢堡店舉行活動，邀請市民挑戰「1分鐘跳繩180次」，成功可免費獲「元氣漢堡」一個。宣傳一出，立即在社交媒體引起了廣泛討論。不少人認為，一般人少做運動，要不停跳繩1分鐘絕不容易，而且要「身水身汗」去贏得漢堡包一個，並不符合「經濟效益」。有人甚至 side bet 漢堡包店「你舖頭有一個員工得，我買返180蚊嘅嘢食。」

「1分鐘跳繩180次」難唔難?

店舖將挑戰定為「1分鐘跳繩180次」，被網民大力嘲諷，他們的指控亦不無道理。香港在跳繩運動獲獎無數，2023年7月，疫情後首屆跳繩世錦賽，港隊破了五項世界紀錄，共奪得157面獎牌雄霸全球。至於「1分鐘跳繩180次難唔難」這個問題，可以從數字去理解:

• 女子組別，2017年14歲的李心怡在「兩岸三地學生跳繩邀請賽」中，以30秒跳105次的成績打破了世界紀錄。
  

• 男子組別，2018年14歲梁凱然以 30秒跳107次刷新香港紀錄
  

• 2023年，梁潤新在個人3分鐘耐力跳比賽中，以552下的成績刷新了香港最佳紀錄
  

• 根據健力士世界紀錄，1分鐘內跳繩最多次數的世界紀錄為239次，由印度 Satvik Rahul Nirgude 於2023年創下
  

30秒跳繩107次，雙腳要幾快? 大家可以睇睇片段 (紅衫係香港梁凱然)

根據香港紀錄，30秒大約跳繩100次，一分鐘即200次 (未計體力消耗)，難怪有人認為「1分鐘跳繩180次」這個挑戰，絕對是留難一般市民。

跳繩180次贏個漢堡包值唔值?

根據Mos Burger 香港官方數字，佢哋呢次活動送出嘅「元氣漢堡」，每個 391.80 kcal。

根據Calculator.net 計算，體重70公斤，快速跳繩1分鐘，消耗約 14 kcal。不過呢個計算相當粗略，所謂「快速跳繩」未能反映運動強度，消耗嘅卡路里會有所偏差。

Btw，呢次送出嘅漢堡包有大約400 kcal，等於要跳繩大約26分鐘，從呢個角度都可以話幾化算。問題係，你雙腿有無摩打咁快，可以成功挑戰 「1分鐘跳繩180次」?